Cercare casa, a Milano come in qualsiasi altra grande città è un’ esperienza a volte mistica!
Può succedere di tutto, si possono incontrare personaggi pazzeschi e casa incredibili. E quando diciamo incredibili, vogliamo proprio dire…. al limite dell’assurdo.
Proprio come è successo a Peder. Una storia… tutta meneghina!
El scior Peder el va in ona Agenzia Immobiliar perché l’è intenzionata a comprass on appartament. El se mètt d’accòrd con l’Agent e el dì dòpo el va a vedèll.
El Peder l’è quasi convint de comprall, el tratta on poo sul prèzzi e dòpo avè troà l’accòrd el ghe dis che però le voeur in ordin, nètt e imbiancaa.
L’Agent l’è daccòrd e el ghe da l’appuntament fra ona settimana.
Passaa la settimana, el nòster Peder el va in Agenzia per fass dà i ciav, fà vedè l’appartament a la miee e ciappà on poo de misur per sistemà i mòbil.
Rivaa a l’appartament, el dèrva l’us’c e el ved di smagg d’acqua e de umid e, intanta ch’el se gira vèrs la miee, el ved on ratton.
Inrabii coma ‘na bèstia el va in Agenzia e el fa present la situazion.
L’Agent, minga convint de quèll che gh’ha dii el Peder, el ciappa i ciav dell’appartament e insèma al Peder el va sul pòst a vedè cont i sò oeugg.
El dèrva l’us’c e in sul moment el ved nagòtta, allora el Peder el tira foeura de saccòccia on tocchèll de formagg, le butta per tèrra e dòpo on second salta foeura ona pantegana lunga on quai trenta ghèi che la ciappa al volo el boccon e via che la spariss in la soa tana; l’Agent el po’ minga cred, el sbaratta i oeugg e el rèsta lì meravigliaa.
Allora el Peder, vedend el nò cred de l’Agent, el ripètt el gèst: salta foeura on’altra pantegana anmò pusee gròssa che, come on fulmin, la ciappa el tòcch de formagg e via che la torna in la soa tana.
La stòria la se ripètt per la terza vòlta e la scèna l’è sempre quèlla.
A ‘sto punto, l’Agent, pien de meraviglia, el se fa dà dal Peder on tòcch de formagg e le butta lù per tèrra: salta foeura ona carpa in sui tri chili, la ciappa al vòlo el formagg e via che la spariss in on attim.
L’Agent el guarda el Peder e el ghe dis:
‘’ Ma l’ha vist… l’era on pèss…’’
E el Peder de rimand:
‘’ … sì, sì hoo vist, de l’umidità ne parlom dòpo…’’