Ingredient per 4 persònn
6 ò 7 òssbus de vitèll dal pes de 250 gramm l’un
60 gramm de butter
1 biccer de vin bianch
La pèll de ½ limon
1 – 2 fes d’aj
Dò foeuj d’èrbasavia,on ramètt d’usmarin e on 30 gramm d’erborin
Broeud vegetal quanto basta
Farina 00
Saa
Pever
Infarina polit i òssbus
In d’ona padèlla bèlla larga fai rosolà in metà butter.
Dagh ona bèlla sbroffada de vin e lassà che l’alcol el vaga via.
Dagh ona giusta regolada de saa e de pever
Quatta la padèlla e lassa coeus cont el foeugh bass e regòrdes, de tant in tant de rivoltai e de giontagh el broeud quand necessari.
Intanta occor preparà la gramolada: tria ben, ben l’aj, l’erborin, l’erbasavia, l’usmarin e la pèll de limon.
On moment prima de servì occor giontà la gramolada a la bagna che gh’è in la padèlla con el tocchèll de butter che gh’era vanzaa.
Bon appetitt!