Giò de bass, in sul marciapee, s’incontren on bèll gatton e ona bèlla miciètta, el gatton l’è in calor, el sta pù in la pèll e inscì ghe da appuntament a la miciètta per la sera in sul tècc de cà. Lì vesin, gh’era on micin, piscinin, piscinin che l’aveva sentii tusscòss; quand la miciètta l’è andada via, el miciètto el ghe va vesin al gatton e el ghe fa:”Dai, pòrtom anca mì che voeuri trombà, l’hoo mai faa!”
El gatton el ghe rispond:”Ma nò, pòdi nò, te see tròpp piscinin, l’è nò ròba per tì!” Ma tanto el fa e tanto el dis (el miciètto) ch’el gatton per sentil pù parlà el ghe dis de sì. Se non che, al pòdisnà el tacca a pioeuv, vegniva giò on’ acqua de l’accident e inscì, la padròna de la miciètta l’ha lassada nò andà foeura de cà. Intrattant el gatton e el miciètto s’eren sistemaa giamò in sul tècc sòtta on’acqua de l’accident.
Dopo on para d’or che i duu gatt eren lì in sul tècc sòtta on diluvi universal, el miciètto el ghe fa al gatton:”Sent, mì trombi anmò cinqu minutt, dòpo voo”.