El bècca-mòrt. Lo diciamo subito: per questo modo di dire siamo al confine tra la verità e la leggenda e quello che ne viene fuori è una spiegazione…come dire…. volgarotta. Avvisati vi abbiamo avvisati. Se volete proprio proseguire nella lettura… lasciamo la parola al nostro Carletto Oblò.
In del Medioevo, quand on òmm el moriva, per certificà la mòrt, se ciamava el dottor e quèst, per verificà che l’òmm l’era verament mòrt l’era sòlit provved a provocagh di dolor.
La manera pussee comun che se usava a chi temp là l’era quèlla de dagh ona sgagnada al didon di pee del mòrt.
L’è staa inscì che el popolin l’ha cominciaa a ciamà ‘sto dottor “el bècca-mòrt”.
Quèsta pratica l’aveva originaa on ver e pròppi mestee. La tradizion la prevedeva che ‘sto mestee el podèss vèss tramandaa dal pader al fioeu maggior mas’c.
El bècca-mòrt, tra verità e leggenda
Vèrs la fin del Medioevo, succed on quaicòss che cambia la regola.
Infatti, vun di bècca-mòrt pussee conossuu, el rièss minga ad avègh on fioeu mas’c, la soa miee l’ha partorii quatter fèmmin.
El bècca-mòrt , per evità l’estinzion del mestee el domanda a la Gesa ona dispensa che la ghe ven concèssa e inscì el mestee el po’ restà in famiglia.
La combinazion l’ha vorsuu che el primm mòrt che gh’è capitaa a la tosa el fudèss on òmm che on carr el gh’aveva tranciaa i gamb.
La tosa la s’è troada on poo indecisa indoe dovè sgagnà e a la fin l’ha ciappaa la soa decision…
L’è staa inscì che hinn nassuu “Le pompe funebri”